नेपालविरुद्ध भारत : नेपाली रेफ्रीले खेल संचालन गर्ने

 

नेपाल र भारतबीच तय भएको दुई मैत्रीपूर्ण खेलको संचालन नेपाली रेफ्रीले गर्ने भएका छन्। नेपाल र भारतबीच बिहीबार पहिलो खेल र आगामी आइतबार दोस्रो मैत्रीपूर्ण खेल हुने कार्यक्रम छ। अखिल नेपाल फुटबल संघ (एन्फा) ले फिफाको निर्देशन अनुसार नेपालका ‘फिफा रेफ्री’ लाई खेल संचालन गर्न दिने निर्णय गरेको हो।

‘फिफाको निर्देशन अनुसारनै हामीले आफ्नै रेफ्रीलाई खेल संचालन गराउन लागेको हौं, ‘ एन्फा स्रोतले भन्यो।

सोही अनुसार एन्फाले नेपालमा रहेका फिफा रेफ्रीलाई परीक्षणसमेत गरेको थियो। एन्फाले आफू अन्तर्गत रहेको रेफ्री संघलाई निर्देशन दिएसँगै नवनियुक्त रेफ्री डाइरेक्टर गौतम कौरले ८ रेफ्रीको टेस्ट लिएका हुन्। भारतीय पूर्वरेफ्री समेत रहेका गौतमको आगमन सँगै नेपाली रेफ्रीले पहिलो खेल संचालन गर्न लागेका हुन्।

एन्फाले मंगलबार अपरान्ह दशरथ रंगशालामा ४ सेन्टर रेफ्री तथा ४ सहायक रेफ्रीको परीक्षण गरेको हो। जहाँ सहभागी ८ रेफ्री नै सफल रहे। हाल नेपालमा १० पुरुष तथा दुई महिला गरी १२ फिफा रेफ्रीको कोटा छ।

यस पटक रेफ्रीमा नविन्द्र महर्जन, कविन व्यन्जनकार, प्रज्वल क्षेत्री र प्रकाश नाथ श्रेष्ठ रहने छन् । यस्तै सहायक रेफ्रीमा माधव खत्री, सहदेव श्रेष्ठ, विक्रम चौधरी र किशन यादव रहने छन् ।

यसअघि मार्चमा भएको थ्रि नेसन्स कपमा सहायक रेफ्रीको भूमिका निर्वाह गरेका नानी राम थापा र युनाल मल्ल भने मैत्रीपूर्ण खेल बाहिर रहे । रेफ्री र सहायक रेफ्रीसँगै फोर्थ अफिसियल, रेफ्री एसेसर, म्याच कमिस्नरसमेत दुई मैत्रीपूर्ण खेलमा नेपालकै पदाधिकारी रहने छन्।

नेपाल र भारत दुबैले आगामी अक्टोबर १ देखि १६ सम्म माल्दिभ्सको मालेमा हुने साफ च्याम्पियनसिपको तयारी स्वरुप मैत्रीपूर्ण खेल खेल्न लागेका हुन् । नेपाल र भारतबीच हालसम्म १९ खेल आयोजना भएको छ । जसमा भारतले १३ खेल आफ्नो पक्षमा पार्दा ४ खेल बराबर भएको छ । यस्तै नेपालको पक्षमा २ खेल मात्रै रहेको छ ।

Comments

Post a Comment

Popular posts from this blog

किरात याक्थुङ चुम्लुङ दमक नगरको समितिले ताम्भुङ्जा थिम्बे ( बनभोज ) कार्यक्रम गर्ने निश्चित भएको छ ।

Image
किरात याक्थुङ चुम्लुङ दमक नगरको आयोजनामा हुने ताम्भुङजा थिम्बे (बनभोज) र येले तङबे 5084 कक्फेवा तङनाम मनाउन को लागि कियाचु दमक नगरसमिती देबेन्द्र चेम्जोङ को अध्यक्षतामा किरात भवनमा बसिएको बैठक मा यहि मिति 2080/माघ/12 गते शुक्रबारको दिन चुलाचुली गाउँपालिका स्थानिय पर्यटकियस्थल चपेटिमा मनाउने निस्चय भएको छ ।  अध्यक्ष देबेन्द्र चेम्जोङ्को भनाइ आनुसार त्यस स्थानमा विभिन्न प्रकार ले स्टेज, डेरा,(यागाराम्सि) च्याब्रुङ नाच्ने ठाउँ  बनाइ भब्यताको साथ मनाउने निस्चय भएको छ ।
Read more

दमक नगरपालीका र कमल गाउँपालीकाको सहकार्यमा चासोक तङनाम भभ्यताको साथ मनाइयो ।

Image
याक्थुङ लिम्बू समुदायले अन्नबाली पाकेपछि सबैभन्दा पहिले प्रकृतिलाई चोखो नयाँ अन्न चढाएर पूजा गर्दछन् । अन्नबाली खेती गर्न सिकाउने पुर्खा सम्झेर मनाउने चासोक तङ्नाम अन्नबाली भित्र्याउँदाको उत्सव र कृषि युगसँग जोडिएको मुन्धुमी विरासत हो । चारदशक अघिसम्म पूर्वी नेपालमा बसोबास गर्ने प्रकृतिपूजक याक्थुङ समुदायमा चासोक तङ्नाम चर्चाको विषय थिएन । भारतीय संस्कृतिको अतिक्रमणले गाँजेको र शाहवंशको उदयपछि राणा र पञ्चायतकालभरि यसबारे कुनै अभियान चल्न सक्ने कुरा पनि भएन । आफ्ना मौलिक भाषा, लिपि, कला, संस्कृतिदेखि मुन्धुम र गीत संगीत बिर्सने क्रममा रहेका बेला २०४८ सालमा भएको व्यवस्था परिवर्तनले पूर्वका याक्थुङ लिम्बूको मस्तिष्क हल्लायो । यसपछि बिस्तारै परम्परागत मौलिक कला, संस्कृतिका साथै मुन्धुमको खोजी, यसको अध्ययन, अनुसन्धान र प्रचारात्मक कामहरू हुनथाले ।
Read more

जबसम्म पहिचानको अान्दोलन सम्बोधन हुँदैन तबसम्म प्रदेश नं. १ मा समृद्धि हुँदैन - कियाचु संघीय अध्यक्ष प्रेम येक्तेन

Image
  किरात याक्थुङ चुम्लुङका संघीय अध्यक्ष प्रेम येक्तेनले प्रदेश नं. १ मा उठिरहेको पहिचान स्थापित अान्दोलन राज्यद्वारा संबोधन नभइञ्जेलसम्म समृद्धि सम्भव नहुने कुरा बताउनुभयो । तुत्तु येक्तेनले झापाको कमल-५ सिम्लेस्थित मुन्धुम्यक्मा सोमबार अायोजित कुसङ येले तङबे ५०८४ को अवसरमा अायोजित कक्फेक्वा मेला उद्घाटन गर्नुहुँदै सो कुरा बताउनुभएको हो । किरात नयाँ वर्षको अवसरमा सुरुवात गरिएको ३ तीनदिने कक्फेक्वा मेलालाई समुद्घाटन गर्नहँुदै कार्यक्रमका प्रमुख अतिथि प्रेम येक्तेनले भन्नुभयो -" प्रदेश नं. १ को नाम कोशी खारेज गरेर पहिचान र स-अस्तित्व स्थापित अान्दोलनलाई सम्बोधन गरि प्रदेश नं. १ को नाम पुन: नामाङकन राज्यले गर्दैन तबसम्म अान्दोलन रोकिने छैन । लिम्बू/याक्थुङ जातिसँग सम्बन्धित किरात येले सम्बत र कक्फेक्वा जस्ता प्रकृतिमय मौलिक वर्ष र चाडपर्वलाई राज्यले राष्ट्रिय पर्वको रूपमा स्थापित गरेर सम्धोधन गरेन भने यो प्रदेश नं. १ मा मात्र नभएर सिङगै मुलुकको समृद्धि सम्भव हुँदैन । त्यसकारण नयाँ वर्ष तथा कक्फेक्वा तङनाम-५०८४ को अवसरमा शुभ-कामना अादान प्रदानमा जुटेका तमाम जनमानसलाई पहिचानको अ...
Read more